[09.06.2010]
İyunun 9-da Məzahir Pənahovun sədrliyi ilə Mərkəzi Seçki
Komissiyasının növbəti iclası keçirilmişdir.
Əvvəlcə sədr Komissiya üzvlərini Şaitdin Sərdar oğlu Əliyevin
Mərkəzi Seçki Komissiyasının üzvü təyin edilməsi haqqında Milli Məclisin
qərarı ilə tanış etmişdir.
Sonra MSK təşkilati məsələyə baxmış və Ş. S. Əliyevin Mərkəzi Seçki
Komissiyası sədrinin müavini seçilməsi barədə qərar qəbul etmişdir.
İclasda ATƏT-in Bakı ofisinin, Böyük Britaniyanın ölkəmizdəki
səfirliyinin təmsilçiləri və kütləvi informasiya vasitələrinin nümayəndələri
iştirak etmişlər.
Mərkəzi Seçki Komissiyasının
mətbuat xidməti
[22.06.2010]
İyunun 22-də Nikolas Kaçarovskinin rəhbərlik etdiyi ATƏT-in
Demokratik Təsisatlar və İnsan Hüquqları Bürosunun Seçkiqabağı
Qiymətləndirmə Missiyası Mərkəzi Seçki Komissiyasında sədr Məzahir
Pənahovla görüşmüşdür.
MSK-nın sədri Mərkəzi Seçki Komissiyasının beynəlxalq qurumlarla,
xüsusən də ATƏT-lə əlaqələrə önəm vediyini bildirərək qarşıdan gələn
seçkilərdə də sıx əməkdaşlıq edəcəklərini nəzərə çatdırmışdır.
Missiyanın üzvləri seçki komissiyalarının təşkili və iş prinsipləri, MSKnın
seçkiyə hazırlıq çərçivəsində gördüyü işlər və gələcək fəaliyyət
istiqamətləri ilə maraqlanmışlar.
Mərkəzi Seçki Komissiyasının sədri seçki orqanlarının fəaliyyəti,
qarşıdan gələn seçkilərlə bağlı Komissiyanın gördüyü işlər və həyata
keçirəcəyi layihələr barədə ətraflə məlumat vermişdir. O, seçici siyahılarının
yanvar ayının əvvəllərindən başlamış dəqiqləşdirilməsinin mayın sonunda
başa çatdırıldığını vurğulayaraq bu prosesin davam etdiriləcəyini diqqətə
çatdırmışdır. Sədr qeyd etmişdir ki, Mərkəzi Seçki Komissiyası aşağı seçki
komissiyalarının fəlaiyyətinin monitorinqini aparmış və seçki prosesinin
ayrı-ayrı mərhələləri ilə bağlı normativ aktlar hazırlamışdır. İyul ayından
etibarən isə dairə və məntəqə seçki komissiyalarının üzvləri, eyni zamanda
digər subyetktlər üçün maairfləndirmə layihələrinin həyata keçirilməsinə
başlanacaqdır. Bu tədbirlərin hazırlanıb keçirilməsində beynəlxalq
qurumlarla sıx əməkdaşlıq edildiyi də qeyd olunmuşdur.
Görüşdə qarşıdan gələn parlament seçkiləri ilə bağlı Mərkəzi Seçki
Komissiyası ilə ATƏT arasında gələcək əməkdaşlığın perspektivləri barədə
də müzakirələr aparılmışdır.
Mərkəzi Seçki Komissiyasının
mətbuat xidməti
